#家用智能有App【Sandbox Smart R1烘豆機😎】
Hello ha😆 大家好又係我，由於今次件野比較複雜所以做咗多少少功課，用多咗好多時間🤯。終於，大家期待嘅Sandbox Smart R1開箱文出世啦!
外型設計
Sandbox四四方方搭配黑色金屬機身，低調得嚟又有科技感🤣😌。而值得一提嘅係部機入手時比我想像中細部，係個接近兩個手掌大小嘅正方形🟦
佢嘅機門上有一塊玻璃觀景窗，方便大家炒豆嗰陣可以直接望到生豆嘅顏色。(算係彌補咗無取樣棒呢個缺點😊)
設計功能
相信大家對於Sandbox有興趣🤯🥳 好大程度係因為佢可以直接用手機連接主體進行烘焙。(基本上成部機無任何實體按鍵✋可以操作)
Sandbox app只要用藍牙🔷連接主機就可以用到。當你正式開始烘焙，App可以即時顯示到烘焙曲線🏑，計算ROR，同埋嗰一下嘅溫度、轉速同風力 🌬️。(仲可以即時作出調整)
而成部機傳熱有兩個部分，一個係入面嘅電熱管，第二就係風扇🌀所做嘅對流。(但佢升降溫🔆嘅速度比較慢，如果自己玩想調整可能要注意🧐
用家體驗
老老實實，個app真係好鬼方便🤪，基本上你由預熱到冷卻🥶成部機，全程都會有指示教你點做。
甚至如果你係烘焙新手，官方都有預設嘅曲線比你玩住先🌝，免得大家有部機又炒唔到豆，一臉灰🙈(效果算幾好，色澤均勻，不過當然自己調較就最好)
App入面顯示嘅烘焙曲線，可以令想更加深入嘅朋友做到進一步嘅調整😌，同埋仔細比較各種烘焙曲線。
玩家甚至可以儲存自己嘅Roasting Profile， 直接放生豆入去佢就會幫你炒！😌🤣 而成部機排煙量亦唔高😉 (唔怕畀屋企嘅女主人鬧🙈，不過有陣燒粟米味就預咗)
唯一唔太方便嘅係，炒完之後要用隔熱手套✋抽返個炒豆籃出嚟，同埋個烘焙時間會比較耐。
總結
整體而言，我覺得用5800元的價位🏅買到一個又有app玩 ，又細部，功能都算齊全的家用炒豆機都算係咁🤣！
Reviews
There are no reviews yet.