Avensi coffee cup for cupping

Hello大家好John here！其實呢個杯我都入手咗差唔多半個月有多，之前周圍去揾我啲咖啡師朋友試(效果真係超神)，今次呢篇文會分兩個部分寫嘅。

開箱感受

首先我覺得成套咖啡杯個開箱體驗做得好好，高設計感嘅外盒同內容物，開完之後感覺真係特別爽（似c40，開咗之後爽足幾日)

設計

如果有認真研究過你會發現成套杯放咗好多巧思喺設計入面，想玩家慢慢咀嚼

傳統咖啡杯降溫會特別快。但Avensi 採用了雙層設計，上層嘅單層玻璃令用家轉動咖啡杯時有合理嘅降溫，更快感受到咖啡嘅風味；下層就改用雙層玻璃減慢整體流失溫度嘅速度

Avensi透過咁嘅設計放慢咗成個品飲嘅過程，大家可以飲完一啖慢慢感受下，轉一轉杯降少少溫之後，再飲一啖。(大家玩開我哋啲豆就知道個風味變化可以好唔同)

造工

十分之結實穩妥，望落去冇任何氣泡，揸上手手感一流。好安心嘅感覺

P.S. 想詳細知道風味上有咩表現，可以留意我哋下一篇文！

味道和科學

呢part要講嘅話真係會講得好詳細，我盡量深入淺出。簡單嚟講，咖啡嘅味道會受到個杯形影響 。(大家唔信可以求其搵屋企兩個唔同外形的杯試下)
首先係聞香。體驗咖啡風味時，嗅覺佔嘅比例好重。有一個較窄嘅杯口就可以更有效收集香氣， 令飲嘅人聞到更加多嘅香氣
杯形嚟講，窄身杯嘅酸味會比較出，而闊身杯甜味會比較重。(因為兩隻杯裏面咖啡嘅氧化程度唔同)

Avensi三隻杯就採用咗以上邏輯去設計，用三隻唔同嘅杯去對應三隻唔同烘培度嘅咖啡豆

總結

好老實開之前我仲以為係黑科技，會中伏 開完之後，簡單一句：「真香！」